Nafarroa Oinezeko egutegiak

Nafarroa Oinez 2014-ko proiektuetako bat egutegien salmenta da. Orain arte tokian tokiko inguruan saltzen baziren ere, aurten proiektu honetan aldaketa bat egitea pentsatu da: gainerako ikastolei ere helaraztea, alegia. Horrela, batetik, diru-sarrerak handitzen dira, eta bestetik Nafarroa Oinez ikastoletako familia guztietako etxeetan egotea gure Nafarroa Oinez-aren oroigarri bikain. 

Opari polita Gabonetan egiteko: ale bakoitzak 4 euro.

Jakingo duzuen bezala, hurrengo Nafarroa Oinez antolatzeko ardura Zangozako Ikastolari dagokio berriz ere. Euskararen festa erraldoi hau urriaren 19an ospatuko dugu Zangozan.

Festa honen bitartez lortu nahi ditugun helburuak honako hauek dira: euskara eta euskal kultura Zangozaldean sendotu eta beharrezkoak diren baliabide ekonomikoak lortu gure ikastolaren iraunkortasuna bermatzeko, baita gure hezkuntza-proiektuaren kalitatean inbertitzen jarraitzeko ere.

Nafarroa Oinez 2014-ko proiektuetako bat egutegien salmenta da. Orain arte tokian tokiko inguruan saltzen baziren ere, aurten proiektu honetan aldaketa bat egitea pentsatu dugu: gainerako ikastolei ere helaraztea, alegia. Horrela lortu nahi duguna zera da: batetik, diru-sarrerak handitzea, eta bestetik, garrantzitsuena izanik, Nafarroa Oinez ikastoletako familia guztietako etxeetan egoten saiatzea, gure Nafarroa Oinez-aren iragarki eta oroigarri bikaina izan dadin.

Horretarako, egutegi ezberdinak sortu ditugu, ikastola bakoitzaren zonaldea kontuan harturik (Iruña,Tafalla, Lizarra, Sakana, Bera eta Zangozaldea). Horma-irudiko formatua daukate, baita tokian tokiko argazki bat ere. Egutegiaren salneurria 4 eurokoa da. Egutegien banaketa Babesletza Batzordearen bitartez egingo da, ikastolen elkarlanean.