Mendi taldea eskalatzen eta mendiak zeharkatzen

Hona hemen bi bideo.

Lehenengoan, eskalatzen nola trebatzen ari garen argi ikusten da. Gero eta gorago, gero eta arinago.
Oraindik aukera duzue izena emateko. Larunbat honetan Rokodromora goaz berriz ere.



Bigarrenean, Iribasetik Betelura egindako txangoa duzue: eguraldi ona, elurra, lokatza, errekak, aziendak... baita adarbakarrei buruzko istorioak ere, baso hauetan bizi izan baitzen Nafarroako adarbakar bakarra.

Gainera, lau herri zeharkatu genituen (Iribas, Baraibar, Albiasu eta Betelu) eta lauetan bildu beharra genuen herriko etxe izenak, herriaren beraren izena eta izengoitiak. Horretarako euskaraz egin behar izan genuen eta ongi moldadu herriko euskararekin.

Taldeka egin zen lana (gelaka, egia esateko) eta ikasleen euskara irakasleak egindako lana aztertzen ari dira, beharbada baliagarria izan litekeelako nota igotzeko.

Albiasu, ipurdi pisu

Aldatz, ipurdilatz

Arribe, pantasiosoak

Azpirotz, karakolak

Baraibar, laino herri

Betelu, diablo guztien ukuilu

Betelu, sorgin guzien ikuilu

Errazkin, mami janzaleak

Goizueta, apoak

Intza, infernuko giltzak

Lekunberri, zakur herri

Lezaeta, sardinak erreta

Uitzi, bareak

Mendi taldea Aralar mendian

Euri txikiarekin, San Migelgo elizan luze egon ondoren, bidea egin genuen San Migeletik Madotza. Maldan behera dena.
Eliza eta herensugearen zuloa ikusteko sartu ginen, baina Aralargo Pablok luze hartu gintuen hor leiendak eta arte eskolak ematen: erratabloaren esanahia... Pena erdaraz egin izana. Harrigarria ere bai.
Laburtu behar izan genuen ibilbidea, berandu egin zitzaigulako, tarte batzuetan, lohia zela eta poliki ibili ginelako.
Poliki, batzuk, beste talde batek korrika egin zuelako bide osoa, entzierroarena egiten ibili zirelako. Bat zezena zen, eta besteak korrikalariak.
Otsailaren 12an hurrengoa.

Eta animatu argazkiak, ipuinak eta kronikak bidaltzen!!!