Mendian Tuterako Argia ikastolarekin. Gorostieta-Aldatz.

Azkeneko irteera izan da hau aurten. Gorostietatik (Orokieta eta Saldias artean) eta Larraungo Aldatz herrira joan ginen 16 km eginez. Hasieran euri pixka bat, eta hotz punttu bat, eta bukaeran eguzkitsu xamar.
Aukeran izan genituen tontorrak (Beigañe, Ireber, Ernaitzu...) ez genituen egin, nahiz eta oso hurbil egon, lainoak kentzen zigulako bista ederren saria eta eman, berriz, galtzeko arriskua.
Benetan gomendagarria eguna pasatzeko Otsola izeneko tokia: iturri ederra, euntze edo larre zabalak, pago luzeak...
Erabakitzeko gelditzen da ea heldu den urtean berritzen dugun Argia eta Paz de Zigandaren arteko anaikidetza hau, benetan positiboa izan baita. Tribuen arteko liskartxoak izan badira ere, lagun on batzuk ere egin dira, eta Tuterako mendizale batzuk Batxilergoa Paz de Zigandan egiteko irrikitan daude.

Mendi talda Bardean, Argia ikastolarekin batera

Hemen dituzue atzoko argazkiak, 2104-02-09koak Bardea Beltzean ibili ginen, Bardea diferente batean, berdeago eta oraindik basoak dituelako. Basurdeen, azerien, eta basakatuen oinatzak nonahi zeuden. Bi mendi igo genituen, Tripa Azul, Bardeako bigarren tontorrik handiena, eta La Estaca, gaztelu zaharrarekin. Bietan aldapa politak izan genituen, batez ere jaisteko, non asko eta asko farrezka egin zuten, batzuetan bildur pixka bat gordetzeko. Argia ikastolak gainera Kike gidari profesionala jarri zuen buru eta azalpen baliagarriak eman zizkigun Bardea zer den ongi ulertzeko.

Mendi taldea eskalatzen eta mendiak zeharkatzen

Hona hemen bi bideo.

Lehenengoan, eskalatzen nola trebatzen ari garen argi ikusten da. Gero eta gorago, gero eta arinago.
Oraindik aukera duzue izena emateko. Larunbat honetan Rokodromora goaz berriz ere.



Bigarrenean, Iribasetik Betelura egindako txangoa duzue: eguraldi ona, elurra, lokatza, errekak, aziendak... baita adarbakarrei buruzko istorioak ere, baso hauetan bizi izan baitzen Nafarroako adarbakar bakarra.

Gainera, lau herri zeharkatu genituen (Iribas, Baraibar, Albiasu eta Betelu) eta lauetan bildu beharra genuen herriko etxe izenak, herriaren beraren izena eta izengoitiak. Horretarako euskaraz egin behar izan genuen eta ongi moldadu herriko euskararekin.

Taldeka egin zen lana (gelaka, egia esateko) eta ikasleen euskara irakasleak egindako lana aztertzen ari dira, beharbada baliagarria izan litekeelako nota igotzeko.

Albiasu, ipurdi pisu

Aldatz, ipurdilatz

Arribe, pantasiosoak

Azpirotz, karakolak

Baraibar, laino herri

Betelu, diablo guztien ukuilu

Betelu, sorgin guzien ikuilu

Errazkin, mami janzaleak

Goizueta, apoak

Intza, infernuko giltzak

Lekunberri, zakur herri

Lezaeta, sardinak erreta

Uitzi, bareak

Eskalatzen ikasi nahi duzue?

Gazteen mendi taldean ibiltzeaz gain, eskalatzea ere gustatzen zaigu. Beharbada zuei ere bai. Bada oraindik garaiz zaudete gurekin etortzeko beste hiru egunetan.

Ikusi bideoa eta gustatzen bazaizue, eman izena azkar bulegoan.

Mendi taldea Ebro ibaian

Hemen dago urtarrileko azken igandean egindako irteerako bideoa. Ebro goieneko alturan zegoen unean iritsi ginen hara.
Gure asmoa Aralarrera joatea zen, baina euriteek eta elurrak planak aldarazi zizkiguten. Hegoaldera jo genuen lasaitasunaren eske, eta hor Ebro bulartua topatu genuen. Eskerrak, dena den, gure tartean Ebro oraindik gizondu gabe zegoela (esan nahi baita Ega, Arga eta Aragoi beherako batzen zaizkiola) eta ia ararozik gabe egin genuen ibilaldia.
Legardako ermitatik hurbil pasa ginen, Imasen gosaldu genuen eta bazkaldu, non eta erromatar akueduktu baten arkupeetan. Bitxia da, baina hango jendeak Puente de los Moros esaten dio, uste baitute mairuek egina dela sekulako lan hori. Calahorraraino eramaten zuten ura erromatarrek.
Hortir aurrera ibaia gure bidean sartu zen eta ahal genuen bezala iritsi ginen Lodosa. Herriko parkeak ibaiak hartzen ari zen unean.

Gure mendizale gazteak Iruñerria zeharkatzen

Beraskoain-Egillor

Iturzaetatik Belaguara joatekoak ginen, baina eguraldi txarra, eta iragarritako alerta horiak askoz ere hurbilago utzi gintuen. Dena den, Beraskoain-Egillor ibilbidea sorpresa bat izan zen. Beraskoain eta Etxauribar aldeko mikroklima goxotik (gereziak, ardantzeak, arteak, abaritzak, otakak...) Sarbilgo pagadira, eta hortik Goñerri eta Ollarango haritzen artera sartu ginen. Euria, lainoa, hotza tartean, beroa bukaeran, eta azkenik txokolatada bat, Nafarroako Kirol Jokoen finala zelako.

Txapelketa

Aurten gainera, txapelketa bat antolatu dugu eta baditugu txapeldunen izenak. Ez zen saritzen azkarrago eta gorago joatea, baizik eta ahalik eta ateraldi gehienetara etortzea. Hori bai, aukeran zeuden tontorrak igoz gero puntu gehiago metatzen ziren, eta nabarmen poliki joaten zirenei edo taldez kanpora ibiltzegatik galtzen zenari penalizazioa ere ezartzen zitzaion.

Kontuak kontu, hona hemen txapeldunak

Infantilak

1. tokian 3 mendizale, hiruek puntuazio berberarekin

   Rubén Garaioa, Iñigo Jiménez eta Elías Valencia

   15 puntu + 109.877 metro eginak

Alebinak

1goa: Alvaro Garaioa 15 puntu, 109.877 metro

2.: Haritz Elizalde 15 puntu, 109.577 metro

3.: Xanti Agüera, 12  puntu, 95.855 metro

Tamalez kazetaritza eta argazkalaritza sariak eman gabe geratuko dira, ez baita bat ere aurkeztu.

Paz de Ziganda mendi taldea elurpean Higan

Eguraldi petrala gaurkoa. Sekulako euri erauntsia hasieran, elurra, kazkabarra...
Zorionak etorri diren 22 balienteei. Azkenean, polita izan da elur azpian ibiltzea.

Igandean, otsailak 27, Menditaldea Higara goaz

MENDIRAKO LAUGARREN IRTEERA

NAFARROAKO KIROL JOKOAK

Erne: osteguna, otsailak 24, izanen da emateko azken eguna, eta hobe asteazkenean bertan egiten bada

Izena:

Deiturak:

e-posta:

Otsailaren 27KO ATERALDIRA JOAN BEHAR DUT. IKASTOLAN EGONEN NAIZ GOIZEKO 9,30ean (ikastolara arratsaldeko 16:30/17:00 aldera itzuliko gara)

ATERALDIARI BURUZKO INFORMAZIO LABURRA

HIGA

Ikastolatik goizeko 9,30ean aterako gara, eta Elo Higara joanen gara. Ez dugu

tontorrera igoko, baizik eta Higa osoa inguratuk

o dugu, bertako paisaia diferenteak ikusiz: pinud

iak, artadiak, bagadiak…

Eguraldia ona bada, Ala

itz mendira ere igoko gara

Azken berriak: http://pazdezigandamenditaldea.blogspot.com/

CUARTA EXCURSIÓN DE MONTAÑA

JUEGOS DEPORTIVOS DE NAVARRA

Atención: fecha tope entrega el jueves 23 de febrero,



Nombre:

Apellidos:

e-mail:



VOY A ASISTIR A LA EXCURSIÓN DE JUEGOS DEPORTIVOS DE NAVARRA, el día 27 de febrero, a las 9,30 en la IKASTOLA (regreso a la ikastola hacia las 16:30/17:00)

BREVE INFORMACIÓN DE LA EXCURSIÓN

HIGA

Saldremos de la ikastola a las 9 y media de la mañana, e iremos a la Higa de Monreal. No subiremos hasta la cima, sino que la rodearemos por completa para ver sus diferentes paisajes: pinares, encinares, hayedos... Si hace bueno subiremos también al parque eólico de Alaitz.

Últimas novedades: http://pazdezigandamenditaldea.blogspot.com/

Eskalada, larunbatean, 9etan

Larunbatean, otsailaren 12an, 2011ko lehen eskalada eguna dugu.
24 apuntatu gara, eta berriz ere Nafarroatik gehien apuntatu garenak izan gara.

Gogoratu 9etan egon behar duzue Rocopolisen eta 9:30 hasiko gara. 11:30ean bukatuko da saioa.

Este sábado, 12 de febrero, tenemos la primera jornada de escalada.
Hay que estar a las 9 de la mañana en Rocópolis de Berrioplano. A las 9,30 empezaremos a escalar, y a las 11: 30 acabaremos.



Ikusi mapa handiagoa

EUSKAL JOKO ETA JOLASEN EGUNA

Joan den apirilak 18 igandean, ikastola ezberdinetako ikasleak elkartu ziren Atarrabian, Udal Enparantza ondoko parkean gure kulturan sustraitutako hainbat joko eta jolasetan jarduteko.

Eguraldiak ezin hobeto inguratu zuen jaialdia eta partaideek gogoa eta umorea jarri zioten egunari. Eskerrik asko animatu zineten guztiei!!

Paz de Ziganda mendi taldeak 5 domina lortu ditu

Igandean, apirilaren 18an, gertatu zen Altsasuko San Pedro zelaian. Alebin eta infantiletan lehiatu ginen eta infantilek lortu zituzten 5 domina eta txapel bat.

Nafarroako Kirol Jokoetako Orientazio txapelketa zen, beraz, gure mendizaleak mapa bat eskuan, mendiko ibilbidean zeuden 10 baliza edo seinale aurkitu behar zituzten.

Argazkian ikusi eta ezagutuko dituzue gure txapeldunak.

Zorionak! Ongi pasatzea eta dominak irabaztea ez dago gaizki!

Nafarroa Oinez, mendiz mendi

Nafarroa Oinez, munduz mundu, mendez mende. Horrela esaten ari gara aurten. Baina Paz de Ziganda mendi taldeko gazteek gorago doaz eta Mendiz mendi ere praktikatzen dute.
Oraingoa, Mortxen izan gara, Sarbil mendian, Azantza herritik hasita.
42 zigandatar bildu ginen eta tontorra egiteaz gain, orientazio frogak egin genituen.