Gartxot Filma

www.gartxotfilma.com

Gartxot, konkista aitzineko konkista animazio filma zinemetara iritsi da. Juanjo Elordi eta Asisko Urmenetaren zuzendaritzapean, XII. mendeko bardo edo kantari baten bizitza kontatzen digu istorioak, Gartxot, Itzaltzuko bardoa Arturo Kanpionen narrazioan oinarrituz.
 

Gartxot trailerra from Somuga on Vimeo.

40. URTEURRENA Paz de Ziganda Ikastola -San Fermin Ikastola

AXERI-BODA ADIN GUZTIENTZAKO APROPOSA DEN IKUSKIZUN PAREGABEA

Paz de Ziganda eta San Fermin Ikastolen 40.urteurrena ospatzeko aukera paregabea izango dugu familia osoak Gayarre antzokian elkarturik eta Juan A ntonio Urbeltz antropologo eta folklore ikertzaile iruñarraren Axeri-Boda ikuskizuna disfrutatuz.

ZATOZ datorren apirilaren 24an eguerdiko 12etan Gaztelu Enparantzara, bertatik kalejiran Gayarre Antzokira joanen gara gure urtebetetzea ospatzera.



Axeri-Boda ikuskizunaren bideo erreportaia

Juan Antonio Urbeltzi Axeri-Boda ikuskizunari buruz elkarrizketa

Axeri-Bodaren atzetik dauden kondairak benetan interesgarriak dira (Oier Araolaza/Kezka Dantza Taldea)


Ikuskizunaren estrenaldiko a rrakasta


Axeri-boda

Udaberri nahiz uda beteko egunik distiratsuenetan, eguzki, euri eta laino txuri lasterkariz osatutako eguraldi aldakorreko egun horietan, inork irudika ditza keen ortzadarrik ederrenak sortzen dira: eguzkia ta euria, erromako zubia dio esaera zahar batek. Gertaera berezi horrek zerua betetzen duenean, Eurasiako atsotitz zaharren esanetan azeriek beren ezteiak ospatzen dituzte. Euri eta iguzki, azeriaren ezteiak, esaten dugu euskaraz. Kitsuné no yome-iri esaten dute japonieraz. Misterioz eta arriskuz betetako ezteiak nonbait, etxeko txikiek begiratu ezin zituztenak, azerien haserrea piztu nahi ez bazuten. Horregatik, haurrei ezer txarrik gerta ez zekien, esandakoa ez egiteak ekar zitzakeen ondorio arriskutsuez ohartarazten zituzten.
Aspaldiko metafora honen gainean, Europako kulturek irudimenezko azeri horiei buruzko ikuspegi desberdin eta bereziak proposatu dituzte. Axeri-Boda honetan gai honi buruz izan diren zenbait tradizio jaso ditugu, oraindik ere Gipuzkoako behe lurraldeetan, Beterri inguruan, hein batean mantentzen direnak; han, ibaiak hazita doazenean "azeriek" beren ezteirik alaienak ospatzen dituzten lekuan.
Okasio honetarako, eta Akira Kurosawak Konna yume wo mita, "Ametsak", filmeko lehen ipuinarekin Japonia eta Euskal Herriaren arteko zubi bat eraikitzeko ematen digun aukerak hunkituta, gure aspaldiko Axeri-dantzaren erritual indartsuaren omenaldia eskaini nahi izan diogu. euskal usadiozko jantzi eta dantzez bereziki atonduta.
Hemendik pixka batera, hau amaitzen denean, ikusleak berretsi ahal izango ditu, modu batera edo bestera, hemen laburki adierazitako iragarpenak. Bitartean, bihoaz nire eskerrik beroenak gogo biziz eta bete betean Axeri-boda berri hau argiz eta kolorez janzten lagundu diguten guztiei.

Juan A. Urbeltz

ASIER IZAGIRRE MUNDUZ MUNDU: IKASTOLATIK HIMALAYARA

Gaur arratsaldean Asier Izagirre mendizalea izan da 3 eta 4. DBHko ikasleei hitzaldi bat ematen. Asier, Edurne Pasabanen espediziokide, lehengusu eta laguna da. Berarekin egin ditu azken espedizioak eta baita azken lau 8.000ko gailurrak ere. Datorren udaberrian Edurneri falta zaizkion azken biak egiteko asmoa dute. Edurnek gailur hauek eginez gero hamalau zortzimilakoak egiten dituen munduko lehen emakumea izango da eta gure logoa ere berarekin iritsiko da.

Zorte on opa dizue Paz de Ziganda ikastolak!

Leihotik aldizkaria era digitalean

Hemendik aurrera ikastolako web orrian, Leihotik aldizkaria era digitalizatuan aurki dezakezue eta bertatik irakurri.

 Hona hemen 25. Alea

PETRI ATARRABIAKO HAURRENTZAKO LITERATUR LEHIAKETA

Pasa den ostiralean Atarrabiako udaletxean Petri Atarrabiako Haur Literatur lehiaketaren XX. edizioaren sari banaketa burutu zen, Udalbaltza aretoan. Oraingoan ere geure ikastolako ikasleak sarituak izan dira:

Olaia Eizagirre, "Viaje al Amazonas" narrazioa dela eta.
Asier Gillo, "Abentura paregabeak" izenburupean aurkezturiko lanagatik.
Amaia Ainciburu, "Abuztuak 23" izeneko idatzia dela eta.

Zorionak danoi!

Ikastolek telebista berri bat aurkeztu dute

IK TB izeneko proiektua aurkeztu du gaur ikastolen elkarteak. Teknologia berriak eta telebista elkartzen dituen tresna berria, euskera zabaltzeko baliogarria izan dadin sortu dute. Ikus bideoa.

"IKASTOLA" abestiaren aurkezpena

"Ikastola" kanta 70. hamarkadan sortu zuen Bilbon Saioka taldeak eta Euskal Herriko ikastola askotara zabaldu zen. Orain, abesti hori moldatu dute.
Ikastolen Elkarteak Ikastola kanta sortu du, ikastola guztien ereserkia izateko asmoarekin. Ez da guztiz berria; orain dela 35 urte Saioka talde pedagogikoak egindako kanta berreskuratu dute eta itxura berria eman.

Xabier Zabala konpositore zarauztarra arduradu da musikaz eta, aurkezpenean esan zuenez, estribiloaren parteari kalejirako erritmoak gehitu dizkio, «abesti hau dantzagarri izatea» nahi lukeelako, eta beste beste zatiek kutsu rockeroagoa daukate.

Hitzak, berriz, Pirritx eta Porrotx pailazoenak dira, aspaldiko bertsioan oinarrituta. Kontuan izan behar da, lehenengo aldaerak bezalaxe, oraingo bertsioak ere aukera ematen duela herri bakoitzeko ikastolak bere letra propioa erantsi diezaion estribiloari.
Pirritx eta Porrotx pailazoek diotenez: «Lehen atalak pertsonaz dihardu; bigarrena, euskara eta Euskal Herriari buruzkoa da; eta hirugarrena, baloreei buruzkoa».

CDan abestiaren lau bertsio eskaintzen dira: oinarrizko bertsioa; ikastetxe bakoitzak bere letra eransteko aukera ematen duen bertsioa; txirulaz jotzekoa; eta karaokea egitekoa.

Grabazioan jende askok hartu zuen parte: Amaia, Miren eta Paxkalin Aire (Aire ahizpak), Eñaut Elorrieta (Ken Zazpi taldekoa) eta Oiongo ikastolako ikasle, irakasle eta guraso talde zabal batek, besteak beste.

IKASTOLA Kantaren letra:

IKASTOLA, GORA GURE IKASTOLA

KANTATZEN DIOGU IKASTOLARI

IKASTOLA, GORA GURE IKASTOLA

KANTA DEZAGUN DENOK

Goizean jaiki, gosaldu, ohea egin,

jantzi ta banoa ikastolara, bai,

atarian bildu naiz alai lagunekin

txirrinak jotzean gelara, gelara!

IKASTOLA, GORA GURE IKASTOLA

Euskaraz hazi eta euskaraz ikasi

herritik mundura bideak ireki, bai,

elkarlanean geroa ereiten hasi

gure altxorra irabazi, irabazi!

IKASTOLA, GORA GURE IKASTOLA

Koloretan amestu, koloretan bizi

hartu eta eman maitasunez blai,

bai,sentituz pentsatu eta pentsatuz ekin

txanpa berean arraunean, arraunean!

GORA IKASTOLA, GURE IKASTOLA!
IKASTOLA, GORA GURE IKASTOLA

III.MIKRO-IPUIN LEHIAKETAKO SARI BANAKETA

III.MIKRO-IPUIN LEHIAKETAKO IRABAZLEA: AINHOA ASIAIN

IÑAKI LEUNDA FINALISTEN ARTEAN

RUPER ORDORIKA ETA ARKAITZ MINER
SARI BANAKETAKO EMANALDIAN

RUPER ORDORIKA IKASTOLAKO
IRRATIAN ELKARRIZKETATUA

BERRIA - DIARIO DE NOTICIAS - DIARIO DE NAVARRA
SARI BANAKETAKO ARGAZKIAK

AINHOA ASIAIN AURTENGO MIKRO-IPUINEN LEHIAKETAREN IRABAZLE.

Aurtengo edizioan mikro-ipuinen lehiaketara aurkeztutako 1033 lanen artean, Ainhoa Asiain, D.B.H. 3-ko ikaslearen "Muxu aspertuak" izenburuko ipuinak jaso du lehen saria.Kurtso bereko ikaslea den Iñaki Leunda ere, lehen aukeraketa batean hautatutako zortzi finalisten artean geratu da, "Gu" lanarekin.

Ainhoaren lana saritzean ipuinak dituen balio literarioak eta, horien artean, literaturari erreferentzien eta figura literarioen erabilera, eta, batez ere, mikroipuinak idazteko teknika berezia oso modu egokian erabili duela hartu dute kontuan.Bestalde,ipuinak duen ukitu poetikoa eta ipuinak helarazten duen mezua bera zein mezua helarazteko erabilitako era esplizitua ez izatea ere izan dira kontuan hartutako beste ezaugarriak.




Aipamen honekin Ainhoa eta Iñaki zoriondu nahi ditu ikastolak eta baita lehiaketan parte hartu duzuen gainontzeko ikasleak ere. Zorionak guztioi beraz!

Egunkariko berria irakurri eta bertan ikusiko duzutenez, Ruper Ordorika abeslaria izango dugu laister gure artean sari banaketan eta kontzertu txiki bat eskeintzen. Hemen duzue bere abesti bat entzungai.

MIKEL LABOA, EUSKAL ARTISTA HIL DA.

Gaur, abenduko lehen egun honetan, albiste triste bat jaso dugu; Euskal Herriak eman duen artista haundi eta maitagarrienetariko bat joan zaigu. Horregatik, ez dut gaurko egun hau amaitu nahi, Laboari omenaldi xume bat egin gabe.
Agur eta ohore Mikel.



http://sustatu.com/1228227718

GURASOEI EGINDAKO EUSKARA MAILAREN NEURKETAREN EMAITZAK

Hauexek dira gurasoei pasatutako inkesten daturik esanguratsuenak. Ikus dezakezuenez, HHn dagoen guraso euskaldunen kopurua nahiko altua da, ea horrek datozen urteetan ikasleen euskararen erabileran eta motibazioan eraginik duen.

ANAIS SANCHEZEK IRABAZI DU ELHUYAR FUNDAZIOKO TEKNOSKOPIA LEHIAKETA

Zientzia,Teknologia eta Berrikuntzaren Astearekin bat eginez, Teknoskopioa lehiaketa antolatzen du urtero Elhuyar Fundazioak. Mundua salbatuko duen superheroi baten azalean jarri behar izan dira lehiakideak, eta superheroi horren bloga sortu. Anais Sanchez DBH 3.C gelako ikasleak irabazi du lehiaketako lehen saria "Berdundis Superheroia Salba dezagun dure planeta" blogarekin.

Anaisek azaroaren 13an jaso zuen bere saria DBH 3.C gelakideen laguntzaz Donostiako Kristinaenea parkean. Lehenengo saritzat bideo kamara digital bat jaso zuen Anaisek. Gelakide guztiak beraien tutorak eta naturreko irakasleak lagunduta goizean goiz abiatu ziren Donostira eta sari banaketa ondoren Kristinaenea bisitatzeko aukera izan zuten.

Anaisek honakoa kontatu digu:

Nola izan zenuen lehiaketa honen berri?

Gure naturreko irakaslea den Liernik eman zigun honen berri eta nik parte hartzea erabaki nuen.

Zer nolako bloga egin duzu?

Lehiaketaren baldintzen arabera, blogeko protagonista superheroi bat izan behar zen, lurra salbatzera etorri den superheroi bat. Nik Berdundis Superheroiaren bloga sortu dut. Blogari ahalik eta gehigarri gehien jartzen saiatu naiz: inkesta bat, ahalik eta estek gehien, itxura zaindu, postak...

Bloga ikusi dut eta hainbat iruzkin baditu. Nork zuen zure blogaren berri?

Lagunei eman nien blogaren berri eta haiek sartu dituzte iruzkinak. Hala ere, bada ezagutzen ez dudan norbaiten iruzkin bat ere.

ZORIONAK ANAIS ETA SEGI HORRELA.

PRENTSA AIPAMENAK:

KAIXO.COM

EUROPA PRESS

SUSTATU.COM

BERRIA

EITB. BETIZU

EITB

ariketa osagarrien eguna

Hona hemen
egun honetan
sortutako giro polita
ariketa osagarrien
inguruan: judoa,
abezbatza, saskibaloia,
trikitilariak, etb.

BA AL DAKIGU EUSKALDUNOK GURE BURUAZ FARRE EGITEN?

Zein izan daiteke umorea eta Euskal Herriko biztanleon egunerokotasuna konbinatuz lortu daitekeen koktela?

Patxi Huarte Larrabururen “de Rerum Natura” komiki bildumak, alajaina!!


Eguna irribarre batekin hasi nahi baduzu, eskuratu itzazu komiki hauek. Terapia merke eta gomendagarria, benetan!!

Komikigile honen eta bere lanari buruzko informazio gehiago nahi baduzu ondoko web orrian sar zaitez:

http://zaldieroa.blogspot.com/

IKASYS

Ikastolen Elkarteak IKASYS proiektuaren aurkezpena egin berri du.

Proiektua teknologia berrien ezarpena du helburu. Ikasle bakoitzak, gelan bertan, bere portatila izango du eta WIFFI sistemaren bitartez internetera konektatua egongo da. Horretaz gain milaka ariketa diseinatu dira jadanik arlo ezberdinak lantzeko. Etorkizun hurbilean ikasleak informatika gelara joan beharrean "informatika gela" ikasleengana joanen da.

Gipuzkoako zenbait ikastolen ipiniko da martxan lehenengo fase honetan eta unibertsitateko adituek sistemaren eraginkortasuna neurtuko dute.

Egoera sinpleetatik abiatuz, ikasgelan eta eguneroko bizitzan sortzen zaizkion egoera-problemak ulertzeko eta egoera hauei aurre egiteko, ikasleari bere beharrei egokitutako tresna sendoak ematea da proiektuaren helburu nagusia. Proiektuko jardueren bidez, ikasleak konpetentzia desberdinak lortzen lagunduko dien eta helburu espezifiko moduan definitutako aprendizaia puntualetan trebatuko dira. Beraz, jarduera hauen bidez konpetentzien garapenera bideratutako hezkuntza aprendizaia puntualen sistematizazioa lortu nahi da.

ZEZILIA DEUNA

Azaroaren 22an ospatuko da bere eguna, baina, ba al dakizue nor zen? Musikarien patroia dela ba al zenekiten?
III. mendean Erroman bizi izandako santa Zezilia musikarien patroia da, martiriora kantuz joan zelako. Kristau ikonografian organoa jotzen eta kantatzen agertzen da.

NATURREKO ERAKUSKETA

Urtero bezala, DBH ko lehenengo mailako ikasleek Eguzki Sistemari buruzko maketa bat egin dute. Aurten ikusteko aukera paregabea duzue zilindroan, idazkaritzan, erakusketa bat jarri dugulako. Hala ere, joatea ezinezkoa baduzue, hemen dituzue argazki batzuk.

Imageloop tresna

BE OINEZ MY FRIEND!

Nafarroa Oinez dela eta wiki txiki bat prestatu dute Erentzun ikastolan ikasleek sortutako ipuin eta bideoekin.